أنمار

 

أنا أنمار بيت المال, أحب فتح مواضيع جيدة و جديدة, يجي تكوين أصحاب و صاحبات كتير, أعيش في رينتون واشنتن و أدرس في جامعة بحيرة واشنطن التقنية. تخصص تصميم و إنتاج وسائط متعددة. ما عندي مشاكل نهرج فأي موضوع, أهلين و سهلين و يا سيدي مرحبابكم

 

هادا تعريفي السريع بنفسي

 

 

 

 

إسمي

أنمار بيت المال

 

 

عمري

مولود في عام

1407 هجري

1986 ميلادي

ما زلت حي

 

برجي

الميزان

 

شهادتي

تخصص تصميم و إنتاج وسائط متعددة

Multimedia Design & Production

Interactive Digital Media

 

شخصيتي

شي أكيد لازم تشوفوني عشان تتضح الصورة أكتر

و لكن

أنا بني آدم مجنون بشكل خيالي

غريب جدًا

لدرجة الخوف و الرعب

الموسيقى تعتبر مجمل حياتي

عزفًا, غناءًا و سماعًا بلا توقف

بأتكلم من غير مبالغة, قايلكم مجنون

الصوت دايمًا مرتفع و ما عندي لعب

أحب السيارات الجديدة من ناحية الأداء و التقنية

و القديمة من ناحية الجودة و القوة

و الحماس أهم ما في الموضوع

متقبل لآراء أي بشر على وجه الأرض و إن كان عبيط

البعيد عنكم

دايمًا أطمح لتحقيق ما أريده

كل شي بدا الأسلوب ماشي تمام و كل شي أبغاه بيجيني زي ما أبغاه

أعرف بالضبط إيش أقدر أسوّي

الناس الضعاف يحبوني

أصحابي دايمًا على إتصال بيّا

ما أنسى أحد

بإذن الله

أعطي و نادرًا ما آخد

شكلي مخيف و لكن الأمر طبيعي من الداخل

يوم من الأيام واحد من إللي درسوني قلّي إنّو شكلي زي الأمريكان السود بس لمن عرفتك أكتر لقيت إنك فلّة

من هنا جا إسم الوحش اللطيف إللي أخترعوه أصحابي

المشكلة إنّي ماني أسود

إللي عندو سؤال عن شخصيتي! إيميلي في آخر الهرجة تحت

 

 

معنى السفر عندي

السفر من ضروريّات الحياة

أنبسط و أروق و أرجع أقوى مما كنت عليه من قوة و عنف

و روقان

 

المزاج

مروق طول عمري إلاّ إزا في يدي قيتار

وقتها أفضلكم تبعدو عني قبل ما الصوت يدبحكم

 

يومي خارج وقت الذروه

أدق قيتار

أسمع أغاني

أسوق

أفكر

أقرا

أكلم صاحبتي

ما أظن أنام كتير

 

المشتريات بالنسبه لي

ضروري أشتري شي حماس

ولاّ بلاش

 

أكلي المفضل

بار بي كيو

BBQ

المأكولات البحرية بتفرعاتها

برجر واد البقر

Cowboy Burgers

و فلفل للصبح

 

الصفه المأخوذه من والدي

الركازة

الصفير

المشي

الصلاة

الغناء

كيفية قراءة الوقت

رحمة الله عليه و على موتانا لأنه توفى لمّن كنت تمنية سنين

ما عليكم

I’m Hanging On

 

الصفه المأخوذه من أمي

الفلة

تقبل الآخرين كيفما كانو

 

أكثر أشياء أكرها

أي أحد يقولي إني بأتمجّغ ولاّ ماني جاد

الله يعينو على غلطتو

أي بشر يستهين بيّا

أكره أي أحد يطنشني

أكره أي محبط للأمل, إزا تبغا شي.. ضروري حيسير

 

أكثر أشياء أحبها

الله سبحانه و تعالى

الرسول محمد عليه الصلاة و السلام

الموسيقى

أمي و أبويا

السيارات

حبيبتي

 

مفهوم العمل عندي

لازم تشتغل الشغلة إللي ما عمرك حتطفش منها لو إيش سرلك في حياتك

إزا ما قدرت

موت و إنتا بتحاول

Die Trying

We All Know This Quote, C’Mon!!

 

الكمبيوتر و النت في نظري

زيو زي التلفون خلاص

أصلاً المفروض ببلاش

 

المدونة هادي ما عمرها حتصف مين بالضبط مين أنمار, بس أقلّو تديكم شوية حماس من الحماس إللي أنا عايش فيه

بس شوية ترا

يعني ضروري ضروري تعرفوني على الطبيعة

إللي ما يقدر, مرحبابو يفلها على المدونة إلين ما ربنا يرزقو شوفة وشّي القوي يوم من الأيام

 

سلمولي عليكم و بوسولي نفسكم مزبوط

أشربو حليب و أتغطو كويس قبل ما تنامو

طيب؟

يلاّ تصبحو على خير

السلام عليكم ورحمة الله و بركاتو

AKA: KumussalaM!!

 

 

 

 

anmar.baitalmal@gmail.com

[updated]